Wilhelm Gustloff:
O KdF Wilhelm Gustloff era un buque alemán co mesmo nome que o líder do partido Nazi Suízo asasinado por un estudante xudeu en 1936. Pertencía á organización KdF encargada de proporcionar actividades culturais e recreativas aos traballadores alemáns. Durante a segunda Guerra Mundial servía como buque pontón para acuartelamento das tripulacións dos u-Boat en proceso de formación e adestramento das mesmas.
Zarpou de Gdynia o día 30 de Xaneiro de 1945 para evacuar un gran número de soldados e mariñeiros feridos con destino a Kiel, indo escoltado soamente por un pequeno draga-minas.
Esa mesma noite ás 21:00 foi torpedeado polo submarino ruso S-13, afundíndose unha hora despois nun lugar de 45 metros de sonda situado ao norte de Wladyslavovo.
Aínda que é difícil establecer con certeza unha cifra exacta de mortos, algunhas fontes indican que de 10600 persoas que se atopaban ao seu bordo, pereceron 9400, o que converte este naufraxio no mais terrible da historia da navegación, no que fai ao número de vítimas.
Dise que 400 mulleres dos servizos auxiliares da Armada foron das primeiras en morrer instantaneamente, ao impactar un dos torpedos directamente baixo a piscina baleira na que devandito persoal se atopaba aloxado, debido á escaseza de espazos no buque, que en principio fora construído para 2000 pasaxeiros.
Grazas a Moncho que me enviou esta artigo
Escribe un comentario