Muros e mailo Mar ///
Fomos ficando sós o Mar o barco e mais nós
A ASOCIACIÓN
A Asociación "Sorum" para a
promoción da Vila de Muros fundouse o
día da festividade de San Pedro do ano
2007 e, nesta sesión constitutiva, foron
aprobados os seus Estatutos.
A Asociación réxese pola Lei Orgánica
1/2002, de 22 de marzo, reguladora do
dereito de asociación, e polos propios
Estatutos.
Trátase dunha entidade con capacidade
xurídica plena, sen ánimo de lucro, e ao
marxe de orientacións políticas ou
ideolóxicas concretas.
Figura inscrita no Rexistro de asociacións
de Galicia (número 10921-1), e no
Rexistro de asociacións do Concello de
Muros (número 29), dende finais de 2007.
Segundo establece o artigo 5 dos seus
Estatutos, a Asociación ten como
finalidade contribuír, dentro das súas
posibilidades, a exaltar a importancia en
todos os eidos do municipio de Muros.
Neste sentido, promocionar a Vila de
Muros nos aspectos culturais, artísticos,
deportivos, sociais, patrimoniais, medio
ambientais, e calquera outros de natureza
análoga, constitúe o seu obxectivo básico.
A Xunta de Goberno da Asociación está
integrada polos cargos e membros que se
indican na outra folla deste tríptico.
ACTIVIDADE
A Asemblea Xeral da Asociación acordou, en
sesión ordinaria celebrada o día 28 de
marzo de 2009, a organización da "Segunda
exposición pictórica de artistas muradáns".
A Asociación persegue con esta actividade,
un ano máis, contribuír a que Muros sexa
coñecido, tamén, pola excelente calidade
artística dos seus pintores.
A exposición estrutúrase, como na edición
anterior, en dúas seccións. Unha, formada
por pintores que expresamente foron
invitados pola Asociación; e outra, na que
participan veciños que manifestaron o
desexo de presentar obras, para colaborar
neste evento. Por esta circunstancia, os
cadros expostos conteñen motivos e estilos
diferentes.
Os PINTORES convidados expresamente
pola organización foron os seguintes:
Alejandro Senande
Beatriz Sampedro
Carmen Senande
Fernando Rei
Malís González
Montse París
Pepa Sestayo
A todos eles, a Asociación maniféstalle o
agradecemento pola súa desinteresada
colaboración.
PROGRAMA
(Lugar, Datas e Horarios)
LUGAR
MUÍÑO DE MAREA DO
POZO DO CACHÓN
DATAS E HORAS DE VISITA
Día 1 de maio de 2009 (Venres)
Inauguración da exposición polas
autoridades ás 12:00 horas.
Visitas:
Pola mañá: De 12:00h. a 14:00h.
Polo serán: De 16:00h. a 20:00h.
Día 2 de maio de 2009 (Sábado)
Visitas:
Pola mañá: De 12:00h. a 14:00h.
Polo serán: De 16:00h. a 20:00h
Día 3 de maio de 2009 (Domingo)
Visitas:
Pola mañá: De 12:00h. a 14:00h.
Clausura da exposición ás 14:00
Escribe un comentario