Muros e mailo Mar ///
Fomos ficando sós o Mar o barco e mais nós11, oct
Anos de Infamia (As Corporacións Municipais de Muros Durante a Guerra Civil)
En: Cousas de Muros
Acto da Falanxe na Praza do Mercado de Muros (foto do arquivo de Xosé Manuel Otero)
Durante os cinco anos de vida da Segunda República artéllanse nos termos municipais da península do Barbanza e na área xeográfica da ría de Muros un conxunto de agrupacións políticas e organizacións sindicais de distinta significación política e con unha acusada actividade.
Sen dúbida, a vitoria nas eleccións celebradas na primavera do 31 dos partidos republicanos e socialistas, propiciou esta realidade política determinada por unha importante participación dos cidadáns nos asuntos públicos e unha considerable afiliación das masas obreiras nas organizacións sindicais, capaces de defender os seus intereses de clase.
En ningún destes concellos a vida da República tería un camiño doado. A radicalización das posturas como consecuencia da diverxencia ideolóxica e os enfrontamentos políticos debidos a rapidez coa que se desenvolven determinados acontecementos, provocará cambios na composición dos gabinetes locais como froito dunha continua confrontación dialéctica.
Co triunfo da sublevación militar en Galicia, a situación política republicana sufrirá unha total liquidación e, por orden das novas autoridades militares, producirase unha renovación completa dos dirixentes destes concellos.
O concello de Muros non foi axeno a estes cambios, e destituída polos golpistas a corporación municipal democraticamente elixida polos veciños, formouse o día 2 de decembro de 1936 unha xestora provisional que estaba integrada polos seguintes membros.
Alcalde Presidente Adolfo de Sel y Portillo
Primer Tenente de Alcalde Pablo Roura Paz
Segundo Tenente de Alcalde Francisco García Fuentes
Terceiro Tenente de Alcalde Enrique Goday Goday
Cuarto tenente de Alcalde Manuel Rama Caamaño
Síndico Manuel Rodrigez París
Concellales
Pedro Mayo Lestón
Manuel Rama Piñeiro
Abelardo Dubert García
Antonio Lamela Lago
Arturo Iglesias Lago
Pablo Caamaño Beiro
Francisco Sande Fernández
José Lamela Cernandas.
Logo, aínda durante a Guerra, constituíuse unha nova corporación o día o día 13 de Abril do 1938 integrada polos seguintes nomes.
Alcalde José Beiro Uhia
Primeiro Tenente de Alcalde Francisco García Fuentes
Segundo Tenente de Alcalde Manuel Lado Formoso
Terceiro Tenente de Alcalde Manuel Caamaño Torea
Cuarto tenente de Alcalde Esteban Uhia Barreiros
Concellales
Marcelino Llorens Fernández
Manuel París García
José Ramos Fernández
Hipólito Sánchez Lois
Manuel Fernández Lestón
Ramón García Hermida
Manuel Rodríguez París
José Rodríguez Bua
Nomes algúns, e apelidos de renomeados falanxistas de esta Vila que naqueles escuros anos de medo e represión foron que rexeron os destinos municipais.
Deus, ou quen sexa no seu lugar, nos libre de todo mal para que tamaña infamia non volva a acontecer nunca xamais.
Para saber mais : 1936 A GUERRA CIVIL EN LOUSAME E NOIA (Xerardo Agrafoxo)
ISBN : 84-606-2340-8
Escribe un comentario